„მწარე პოდკასტის" რომის ისტორიის ციკლის მესამე ეპიზოდი ძვ.წ. I საუკუნის ამბებს მიეძღვნა. პოდკასტში განხილულია სულას დიქტატურა, სპარტაკის აჯანყება, კატილინას შეთქმულება, პირველი ტრიუმვირატი, პომპეუსისა და კეისრის დაპირისპირება, კეისრის მმართველობა და მისი მკვლელობა მარტის იდებში.

„მწარე პოდკასტის" რომის ისტორიის ციკლის მეორე ეპიზოდი, ძვ.წ. II საუკუნისა და ძვ.წ. I საუკუნის მოვლენებს დაეთმო. როგორ გაგრძელდა რომის ექსპანსია II პუნიკური ომის შემდეგ, როდის დაუპირისპირდნენ რომაელები ელინისტურ სამყაროს, რატომ გაუჭირდათ ესპანეთსა და ნუმიდიაში ლეგიონებს, რას შეეწირნენ ძმები გრაკხუსები, რა რეფორმა გაატარა გაიუს მარიუსმა და როგორ სძლია კიმბრებსა და ტევტონებს, რატომ აჯანყდნენ მოკავშირეები და როგორ წარიმართა რესპუბლიკის პირველი სამოქალაქო ომი.

„მწარე პოდკასტზე" რომის ისტორიის ციკლი დაიწყო, რომელშიც მოგითხრობთ რომის ისტორიას დაარსებიდან ქალაქის დაცემამდე. ამ ეპიზოდებში, ვეცდებით, გავაცოცხლოთ რომის ისტორიის საკვანძო მოვლენები, ომები და დიპლომატია, პოლიტიკა და საზოგადოება. I ეპიზოდი, რომის დაარსებიდან II პუნიკური ომის დასრულებამდე პერიოდს მიეძღვნა.

საქართველოს სამეფო კარის თამაშების ამ ეპიზოდში, XIII საუკუნეში დავბრუნდით და დავით ულუსა და დავით ნარინის მეფობის ინტრიგებზე, მკვლელობებსა და ძალაუფლებისთვის ბრძოლაზე ვისაუბრეთ; თუ როგორ განაგებდა ორი ქართველი მეფე ქვეყანას „მონღოლური მშვიდობის" ეპოქაში და რა საიდუმლოებებს ინახავს მათი ისტორია.

„მწარე პოდკასტის" 164-ე ეპიზოდში, რიდლი სკოტის „ზეციურ სამეფოზე" (2005) ვისაუბრეთ. განვიხილეთ გადაღების ამბავი, რეჟისორის ხედვა და გადაწყვეტილებები, სტილი, ატმოსფერო და რა თქმა უნდა, გავარჩიეთ ისტორიული თვალსაზრისით. პოდკასტის სტუმარია ირაკლი გობრონიძე.

„მწარე პოდკასტის" 164-ე ეპიზოდში, ისტორიკოსი გიორგი ასტამაძე, ვერმახტის ქართულ ლეგიონზე გვესაუბრა. ვინ იყვნენ მესამე რაიხის სამსახურში მყოფი ქართველები, რა მოტივაცია ამოძრავებდათ და რა ბედი ეწიათ.

მეფე რუსუდანი, როგორც მისი ძმა, ლაშა-გიორგი, საქართველოს ისტორიის გამორჩეულად წინააღმდეგობრივი ფიგურაა. საქართველოს სამეფო კარის თამაშების ამ ეპიზოდში, მის საშინაო პოლიტიკაზე, ლეგიტიმაციის პრობლემაზე, ძმისშვილთან დაპირისპირებაზე, რუმის სულთნებთან, ჯალალ ად-დინსა და მონღოლებთან ურთიერთობაზე ვისაუბრეთ.

საქართველოს სამეფო კარის თამაშების ახალი ეპიზოდში, ისტორიკოს ნიკა შონიასთან ერთად, საქართველოს ისტორიის ერთ-ერთ წინააღმდეგობრივ ფიგურაზე, მეფე გიორგი IV ლაშაზე ვისაუბრეთ. რატომ არის მისი მოღვაწეობა არასწორად გააზრებული, რა სერიოზული პრობლემები არსებობდა ერთი შეხედვით ძლიერ სამეფოში და რას გვეუბნება ისტორიულ წყაროთა ქვეტექსტები. ----------------------------------------------------------„მწარე პოდკასტის" ოფიციალური პარტნიორია TBC.