المحطة بتاعة النهارده هي حوار بينكم وبيننا. الهدف مش بس إننا ننكش مع بعض في مواضيع تهمكو بس كمان انكو ترسمو الطريق للموسم الثاني من رحلة حرة. بنتكلم في إيه؟ في الشغل والخناقات ومعنى حياتنا كلها على بعض.

حلقة النهاردة ممكن تكون آخر حلقة في الموسم بس احنا اكيد راجعين بموسم أحلى وألذ بعد رمضان. لو حابين إننا نكمل في رمضان ابعتولنا في كل حته وكل منصة وإحنا مهنصدق وهننطلق.

رمضان كريم

Profile photo: Karim Soliman

Intro's background music: Music by Grand_Project from Pixabay

الصعوبات النفسية إلي بتواجهنا احنا والناس إلي حوالينا ليها أنواع وأشكال هنتعرف عليها النهارده في حلقة رحلة حرة السابعة. زي مبدأنا بالدكاترة النفسيين والعلاج النفسي فاحنا مكملين في الأعراض والأمراض ودكتورة كريمة هتكلمنا فيهم وفي أصلهم يعني بنوصل إزاي للإضطراب أو حتى المرض النفسي؟ وممكن نتعامل معاه إزاى وخصوصا لو رافض العلاج؟

الموضوع واسع ومتفرع والنهارده الحوار إلي بيننا في لسه بيبتدي بس بما إننا مش بنقدم حلول نهائية هنا فاحنا عايوين نسمعكو أكثر ونتكلم معاكو في إلي شاغلكو الحلقة الجاية: الحلقة الثامنة والأخيرة من الموسم الأول لرحلتنا الحرة.

لينك حلقة الرياضة من بودكاست محمد حلمي "إذا أعزائي" إلي ذكرناه: https://open.spotify.com/episode/49EocXQqN7E8m678nenCXk?si=1528a01c0dc940c4

Profile photo: Karim Soliman

Intro's background music: Music by Grand_Project from Pixabay

في الحلقة السادسة من رحلتنا هنتعرف أكتر على الدكاترة النفسيين والعلاج النفسي مع دكتورة كريمة. الدكاترة والعلاج مدارس، بالظبط زي مدارس الطبخ والعمارة ومش شرط كلنا نقدر نروح لدكتور ولو رحنا مش دايما بنعرف امتى نكمل وامتى ننسحب؟ وكمان زي ماحنا بقينا أدرى بأهمية الصحة النفسية لكن هل بقينا بنستخدمها كواجهة إجتماعية ساعات؟

كل دي اسألة ومواضيع كبيرة مش ممكن نتكلم فيها في حلقة واحدة وهنكمل كلام فيها اكيد عشان كدا قولولنا ايه تجربتكم مع العلاج النفسي والدكاترة؟

Profile photo: Karim Soliman

Intro's background music: Music by Grand_Project from Pixabay