في بعض المحطات في حياتنا ويمكن من أول رحلة كل واحد فينا كننا بندور على المثالية أو الكمال مع أننا عارفين ان الكمال لله وحده سبحانه وتعالى. في الحلقة الخامسة من رحلة حرة هنشوف مع دكتورة كريمة احنا ليه بندور على المثالية واساسها جه منين؟ من واحنا صغيرين ولا من مسابقة بيننا وبين نفسنا محدش فرضها علينا؟

قولولنا انتو ايه رأيكم؟ وبتتعاملو مع المثالية دي ازاى؟

وهنا لينك حلقة أنس بوخش مع محامي الطلاق الأمريكي جيمس سيكستون إلي ذكرناها في الحلقة لو عايوين تتفرجو عليها: https://youtu.be/iyUgHvwjHKo?si=P8TWG7dQTJpZfbow

Profile photo: Karim Soliman

Intro's background music: Music by Grand_Project from Pixabay

انا مين واستحق ايه؟ يمكن يكون ده سؤال عدى علينا في وقت معين أو بيعدي علينا كل شوية بس مش شرط نكون خدنا وقتنا في إننا نفكر في بتمعن. محطة النهاردة هتتكلم دكتورة كريمة عن استحقاقنا والي نقدر نكون فعالين في على قد منقدر. كمان احنا فاعل ولسنا مفعول به فزي ملينا حق نتحب لازم نسأل نفسنا لو بنحب الى حوالينا والأهم بنحب نفسنا بجد وبنطبطب عليها ولا مش مقتنعين إننا نستحق؟

إيه رأيكم؟

Profile photo: Karim Soliman

موسيقى خلفية المقدمة: Music by Grand_Project from Pixabay

بمناسبة السنة الجديدة وأهدافها وطموحاتها هنحاول نفهم احنا بنجري عشان نحصل ايه ولا مين؟ عشان نوصل لحاجة احنا عايزينها وهتريحنا بجد ولا عشان متبرمجين نفضل نجري ومناخدش مساحتنا الي ندور فيها على راحة بالنا. في وسط الزحمة والصوت العالي هنقف شوية في محطة المهاردة من الرحلة وناخد نفس ونفكر "انا عايز/عايزه إيه فعلا؟". ومش هننسى الخلط الي بنعمله احنا والي حوالينا بين اننا ندور على نفسنا والكلمة الغريبة المقترنة بيها "الأنانية".

متحمسين نعرف الكلام ده بيخليكو تفكرو في ايه وبيفكركم بايه؟ شاركونا في التعليقات بالي يخطر على بالكم في نفسنا وحريتها وفي موضوع الحلقة.

Profile photo: Karim Soliman

موسيقى خلفية المقدمة: Music by Grand_Project from Pixabay

انا استحق السلام والراحه ولا انا مذنب أو مش كفاية؟ ده السؤال الى بتطرحه الدكتورة كريمة في الحلقة الثانية من بودكاست رحلة حرة عشان نقدر نفهم ايه الي بيخلينا مناخدش بالنا من نفسنا وصحتنا كأننا منستحقش أو كأننا مش كفاية. يمكن لو فهمنا قد ايه نستحق كل حاجة حلوة مش هنيجي على نفسنا عشان نرضي الي حوالينا وهنحاول نرضي نفسنا. وبما أننا محتاجين وقت عشان نتعود على ده فهنفكر في أهدافنا إلى عايزين نوصلها في رحلة إرضاء نفسنا وراحتها سواء كان هدفنا بكرا أو بعد شهر أو سنه.

متنسوش تبعتولنا رأيكم وأفكاركم أو تساؤلاتكم عشان تكونو فعلا المايسترو بتاع الرحلة.

Profile photo: Karim Soliman

موسيقى خلفية المقدمة: Music by Grand_Project from Pixabay

ساعات جسمنا بيتكلم لما نكون مش مبسوطين أو مضغوطين أو قلقانين وده في علم النفس اسمه "الأعراض النفس جسمية Psychosomatic symptoms". في أول الرحلة هتبدأ دكتورة كريمة تعرفنا أكثر عن الاعراض دي والمناعة النفسية العصبية إلي بتحمينا من انها تطور. النهاردة احنا بنتكلم في جسمنا الي نطق الى احنا مش قادرين او مش فاضيين نقوله.

Profile photo: Karim Soliman

موسيقى خلفية المقدمة: Music by Grand_Project from Pixabay