ដំណើររបស់ខ្ញុំក្នុងសហគមន៍បច្ចេកវិទ្យា មិនបានចាប់ផ្ដើមពីការធ្វើជា Content Creator ទេ។ វាចាប់ផ្ដើមពីការចូលរួម រៀន ស្ម័គ្រចិត្ត និង «ចែកគ្នានិយាយ IT»។

ពី Open Event, BarCamp Cambodia, Startup Weekend, GDG និងព្រឹត្តិការណ៍បច្ចេកវិទ្យាជាច្រើនទៀត—កន្លែងទាំងនេះបានឱ្យខ្ញុំជួបមនុស្ស រៀនពីការចែករំលែក ចេះរៀបចំព្រឹត្តិការណ៍ និងបន្តពីអ្នកចូលរួម ទៅជាអ្នករៀបចំ និងអ្នកចែករំលែកចំណេះដឹង។

🎙️ EP18 ខ្ញុំនឹងនិយាយពីដំណើរនេះ និងមេរៀនដែលខ្ញុំទទួលបានពីសហគមន៍បច្ចេកវិទ្យាកម្ពុជាជាងមួយទសវត្សរ៍។

#Phatcast #PhatcastEP18 #BarCampCambodia #TechCommunity #CambodiaTech #GDG #StartupWeekend #TechnologyCambodia

បើអ្នកមើលរបស់យើងភាគច្រើនជាខ្មែរ តើការប្ដូរទៅផលិតមាតិកាទេសចរណ៍ជាភាសាអង់គ្លេស ពិតជាជួយឱ្យភ្ញៀវបរទេសស្គាល់កម្ពុជាមែនទេ?

ក្នុង Phatcast EP17 ខ្ញុំចែករំលែកការយល់ឃើញ និងយុទ្ធសាស្ត្រផលិតមាតិកាទេសចរណ៍៖ ចាប់ពីការកំណត់ថានិយាយទៅកាន់អ្នកណា ការជ្រើសរើសភាសាខ្មែរ ឬអង់គ្លេស ការដាក់អក្សររត់ រហូតដល់តួនាទីរបស់ Facebook, TikTok, YouTube និង Google Maps។

ខ្ញុំក៏និយាយពីរបៀបយកដំណើរមួយមកផលិតជាមាតិកាច្រើនទម្រង់ និងរបៀបវាស់លទ្ធផលឱ្យលើសពីចំនួន View។ សម្រាប់ខ្ញុំ ការផ្សព្វផ្សាយទេសចរណ៍គួរជួយឱ្យមនុស្សយល់ពីទីកន្លែង មនុស្ស និងសហគមន៍ ព្រមទាំងទទួលបានព័ត៌មានដែលអាចប្រើពេលរៀបចំដំណើរ។

តើអ្នកគិតថាអ្នកផលិតមាតិកាខ្មែរគួរនិយាយខ្មែរ ហើយដាក់អក្សររត់អង់គ្លេស ឬធ្វើវីដេអូអង់គ្លេសមួយកំណែដោយឡែក? សូមចែករំលែកមតិរបស់អ្នកក្នុង Comment។

#Phatcast #ទេសចរណ៍កម្ពុជា #ផលិតមាតិកា

ចប់បាក់ឌុបហើយ បើចង់បន្តរៀនផ្នែក IT តើគួរចាប់ផ្តើមពីណា? តើ Computer Science, Software Engineering, Cybersecurity, Data Science, AI, Networking ឬជំនាញ Digital ផ្សេងៗ ខុសគ្នាយ៉ាងដូចម្តេច?

ក្នុង Phatcast EP17 នេះ ខ្ញុំនឹងជជែកអំពីការជ្រើសរើសជំនាញ IT សម្រាប់សិស្សដែលទើបចប់បាក់ឌុប ដោយព្យាយាមបំបែកឲ្យឃើញថា ជំនាញនីមួយៗរៀនអ្វី សាកសមជាមួយអ្នកណា និងអាចបន្តទៅមុខរបរអ្វីបានខ្លះ។

យើងក៏នឹងនិយាយអំពីចំណុចសំខាន់ៗដែលគួរគិតមុនជ្រើសសាលា ឬជ្រើសមុខវិជ្ជា ដូចជា ចំណង់ចំណូលចិត្ត សមត្ថភាពគណិតវិទ្យា ការសរសេរកូដ ភាសាអង់គ្លេស ឱកាសការងារ និងការរៀនបន្ថែមដោយខ្លួនឯង។

EP នេះមិនមានគោលបំណងប្រាប់ថា សាលាណាមួយល្អជាងសាលាណាមួយទេ ប៉ុន្តែចង់ជួយឲ្យសិស្សយល់ពីជម្រើសរបស់ខ្លួនឲ្យបានច្បាស់ មុនពេលសម្រេចចិត្តចំណាយពេល ៤ ឆ្នាំ ឬច្រើនជាងនេះលើជំនាញមួយ។

បើអ្នកកំពុងចង់រៀន IT ឬមានប្អូនៗកំពុងតែសម្រេចចិត្តជ្រើសជំនាញ អាចផ្ញើវីដេអូនេះទៅឲ្យពួកគាត់បាន។

#Phatcast #PhatcastEP17 #ITCambodia #StudyIT #BacII #ComputerScience #SoftwareEngineering #Cybersecurity #DataScience #ArtificialIntelligence #DigitalSkills #TechnologyCambodia #CambodianStudents

នៅពេលប្រកាសលទ្ធផលប្រឡងបាក់ឌុប យើងអាចឃើញបញ្ជីឈ្មោះសិស្សដែលមានព័ត៌មានជាច្រើន ដូចជា ឈ្មោះ មណ្ឌលប្រឡង លេខតុ លេខរៀង ថ្ងៃ ខែ ឆ្នាំកំណើត និងនិទ្ទេស។ បញ្ជីទាំងនេះក៏ត្រូវបានថត និងបង្ហោះចែករំលែកតាម Facebook ផងដែរ។

បន្ទាប់ពីខ្ញុំលើកឡើងអំពីបញ្ហា Digital Privacy មានមតិមួយចំនួនថា៖ “គ្រាន់តែថ្ងៃខែឆ្នាំកំណើតសោះ មានអីត្រូវលាក់?” “គេធ្វើបែបនេះរាប់សិបឆ្នាំមកហើយ” “វាជារឿងពិត ហេតុអីមិនអាចបង្ហោះ?” រហូតដល់មានអ្នកលេងសើចថា “ខ្លាចគេយកថ្ងៃខែឆ្នាំកំណើតទៅដាក់អំពើមែន?”

Phatcast EP15 នេះ ខ្ញុំយកករណីបាក់ឌុបមកធ្វើជា Case Study ដើម្បីនិយាយអំពី ឯកជនភាពឌីជីថល ទិន្នន័យផ្ទាល់ខ្លួន និងអក្ខរកម្មឌីជីថល ឲ្យកាន់តែច្បាស់។

សព្វថ្ងៃ មនុស្សគ្រប់គ្នាអាចក្លាយជា Content Creator បាន ដោយគ្រាន់តែមានទូរស័ព្ទ និង Internet មួយ។ យើងអាច Post, Share, Live, Comment និងបង្កើតព័ត៌មានឱ្យទៅដល់មនុស្សរាប់រយ រាប់ពាន់ ឬរាប់លាននាក់ក្នុងពេលខ្លី។

ប៉ុន្តែពេលមនុស្សគ្រប់គ្នាក្លាយជាអ្នកផ្សព្វផ្សាយព័ត៌មាន សំណួរសំខាន់គឺ៖ តើអ្នកណាជាអ្នកទទួលខុសត្រូវលើអ្វីដែលយើងបង្ហោះ?

ក្នុង Phatcast EP14 នេះ យើងនឹងនិយាយអំពី៖ • Creator, Platform និង Audience — អ្នកណាមានការទទួលខុសត្រូវប៉ុណ្ណា? • ល្បឿននៃព័ត៌មាន និងភាពត្រឹមត្រូវ • View និង Follower ច្រើន មិនមានន័យថាព័ត៌មានត្រឹមត្រូវ • Algorithm និងមូលហេតុដែល Drama ឬ Content ខ្លាំងៗអាចទៅដល់មនុស្សច្រើន • ពេល View ក្លាយជាលុយ តើ Ethics របស់ Creator ប្រែប្រួលដែរឬទេ? • Privacy និង Consent — មានកាមេរ៉ា មិនមានន័យថាថត និងបង្ហោះបានគ្រប់យ៉ាង • AI ធ្វើឱ្យការបង្កើត Content ងាយជាងមុន ប៉ុន្តែអ្នកណាទទួលខុសត្រូវ? • “ខ្ញុំគ្រាន់តែ Share” តើមានន័យថាយើងមិនទទួលខុសត្រូវមែនទេ? • បើបង្ហោះព័ត៌មានខុស តើយើងគួរកែតម្រូវយ៉ាងដូចម្តេច?

សព្វថ្ងៃការក្លាយជា Content Creator ងាយណាស់។ ប៉ុន្តែការក្លាយជា Content Creator ដែលមានការទទួលខុសត្រូវ មិនងាយដូចការចុច Post ទេ។

ស្តាប់ Phatcast រៀងរាល់ថ្ងៃចន្ទ ម៉ោង 6 ល្ងាច។

នៅថ្ងៃទី២០ ខែកុម្ភៈ ឆ្នាំ២០១១ ក្រុម «ចែកគ្នានិយាយ IT» ត្រូវបានបង្កើតឡើង ដើម្បីជាកន្លែងសម្រាប់អ្នកស្រឡាញ់បច្ចេកវិទ្យានៅកម្ពុជា ចូលរួមសួរសំណួរ ចែករំលែកចំណេះដឹង និងជួយគ្នាដោះស្រាយបញ្ហាទាក់ទងនឹងកុំព្យូទ័រ បណ្ដាញ ការសរសេរកម្មវិធី សន្តិសុខឌីជីថល និងបច្ចេកវិទ្យាថ្មីៗ។ ក្នុងរយៈពេលជាងដប់ឆ្នាំ សហគមន៍នេះបានក្លាយជាផ្នែកមួយនៃប្រវត្តិសហគមន៍ IT នៅកម្ពុជា។ វាបានជួយអ្នកសិក្សា និស្សិត អ្នកជំនាញ និងអ្នកចាប់ផ្តើមជាច្រើន ឱ្យទទួលបានចំណេះដឹង ស្វែងរកការងារ បង្កើតមិត្តភាព និងចូលរួមលើកកម្ពស់ការប្រើប្រាស់ Unicode ខ្មែរ។ ប៉ុន្តែមុនថ្ងៃទី៧ ខែមីនា ឆ្នាំ២០២២ ក្រុមនេះបានបាត់ពី Facebook ដោយគ្មាន Email ព្រមាន គ្មាន Security Alert និងគ្មាន Notification ជូនដំណឹងទៅកាន់ Admin។ នៅក្នុង Phatcast EP13 នេះ ខ្ញុំនឹងចែករំលែកអំពី៖ • ប្រវត្តិនៃក្រុម «ចែកគ្នានិយាយ IT» • ស្ថានភាពសហគមន៍ IT នៅកម្ពុជាកាលពីឆ្នាំ ២០១១ • ការចែករំលែកចំណេះដឹងដោយស្ម័គ្រចិត្ត • ការលើកកម្ពស់ Unicode និងភាសាខ្មែរ • ថ្ងៃដែលក្រុមបានបាត់ពី Facebook • ការទាក់ទង និងស្នើសុំជំនួយពី Meta Support • មេរៀនសុវត្ថិភាពសម្រាប់អ្នកគ្រប់គ្រងសហគមន៍ • ការចាប់ផ្តើម «ចែកគ្នានិយាយ IT» ជំនាន់ថ្មី សម្រាប់អ្នកខ្លះ វាអាចគ្រាន់តែជាក្រុម Facebook មួយ។ ប៉ុន្តែសម្រាប់អ្នកដែលបានចូលរួមកសាង និងចែករំលែកចំណេះដឹងអស់ជាច្រើនឆ្នាំ វាជាបណ្ណសារ ជាប្រវត្តិសាស្ត្រ និងជាផ្នែកមួយនៃការរីកចម្រើនរបស់សហគមន៍បច្ចេកវិទ្យាខ្មែរ។ ចំណេះដឹងអាចបាត់បង់បាន ប៉ុន្តែស្មារតីនៃការចែករំលែក មិនគួរបាត់បង់តាមវាឡើយ។ បើអ្នកធ្លាប់ជាសមាជិកក្រុម «ចែកគ្នានិយាយ IT»

តើអ្នកធ្លាប់គិតទេថា ពុម្ពអក្សរខ្មែរ (Font) ដែលអ្នកប្រើរាល់ថ្ងៃ មានប្រវត្តិយ៉ាងដូចម្តេច?

យើងបើក Microsoft Word, Google Docs, Canva ឬវាយអក្សរនៅលើទូរស័ព្ទជារៀងរាល់ថ្ងៃ។ យើងជ្រើស Hanuman, Battambang, DaunPenh ឬ Noto Sans Khmer ដោយមិនសូវគិតថា តើ Font ទាំងនេះមកពីណា? អ្នកណាជាអ្នករចនា? ហើយហេតុអ្វីកុំព្យូទ័រអាចបង្ហាញអក្សរខ្មែរបានត្រឹមត្រូវ?

ក្នុង Phatcast EP12 នេះ យើងនឹងធ្វើដំណើរតាមប្រវត្តិសាស្ត្រពុម្ពអក្សរខ្មែរ ចាប់ពីសិលាចារឹក ស្លឹករឹត ពុម្ពបោះពុម្ព រហូតដល់សម័យ Unicode និង AI។

ក្នុងវគ្គនេះ អ្នកនឹងបានស្វែងយល់អំពី៖

• ភាពខុសគ្នារវាង ភាសាខ្មែរ, អក្សរខ្មែរ, Unicode និង Font
• Typography គឺជាអ្វី?
• ប្រវត្តិនៃពុម្ពអក្សរខ្មែរ
• Legacy Fonts (Limon, ABC, Khek, CSX)
• ហេតុអ្វី Unicode ផ្លាស់ប្ដូរពិភពអក្សរខ្មែរ
• តើ Font ខ្មែរត្រូវបានរចនាយ៉ាងដូចម្តេច?
• អ្នកនៅពីក្រោយ KhmerOS និងការអភិវឌ្ឍ Font ខ្មែរ
• Open Font License និង Commercial Fonts
• បញ្ហា OCR, AI និងអនាគតភាសាខ្មែរលើពិភពឌីជីថល

💡 មានមនុស្សជាច្រើនប្រើ Font ខ្មែររាប់សិបឆ្នាំ ប៉ុន្តែមិនធ្លាប់ដឹងថា Font ដែលខ្លួនកំពុងប្រើ មានម្ចាស់ មានអ្នករចនា និងមានអាជ្ញាបណ្ណ (License) ផងដែរ។ ការយល់ដឹងពីរឿងនេះ មិនត្រឹមតែជាចំណេះដឹងបច្ចេកវិទ្យាទេ ប៉ុន្តែជាការគោរពស្នាដៃរបស់អ្នកបង្កើត និងការចូលរួមអភិរក្សភាសាខ្មែរ។

តើអ្នកផលិតមាតិកាមានទំនួលខុសត្រូវអ្វីខ្លះចំពោះសង្គម?

ក្នុងសម័យដែល Facebook, TikTok និង YouTube អាចធ្វើឱ្យវីដេអូមួយល្បីក្នុងរយៈពេលប៉ុន្មានម៉ោង ការប្រកួតប្រជែងដើម្បីបាន Views និងអ្នកតាមដាន ក៏កាន់តែខ្លាំងឡើងដែរ។

នៅក្នុង Phatcast EP10 នេះ យើងមិនមែននិយាយអំពីច្បាប់តែមួយមុខទេ ប៉ុន្តែយើងនឹងពិភាក្សាអំពី ក្រមសីលធម៌នៃការផលិតមាតិកា (Digital Ethics) និងសំណួរដែលអ្នកបង្កើតមាតិកាគ្រប់រូបគួរសួរខ្លួនឯង។

ប្រធានបទដែលយើងនឹងជជែក៖ • Clickbait និងការបោកបញ្ឆោត • ការចម្លងស្នាដៃ និងការផ្តល់កិត្តិយស • AI និងភាពតម្លាភាព • Fake Expert • Drama Marketing • Privacy និងការគោរពឯកជនភាព • Charity Content • Sponsored Content • ការកាត់តដែលធ្វើឱ្យយល់ខុស • ការកសាងទំនុកចិត្តរយៈពេលវែង

គោលបំណងនៃវគ្គនេះ មិនមែនដើម្បីវាយប្រហារបុគ្គល ឬក្រុមណាមួយឡើយ ប៉ុន្តែដើម្បីបើកការពិភាក្សាអំពីការបង្កើតមាតិកាប្រកបដោយទំនួលខុសត្រូវ និងការគោរពអ្នកដទៃក្នុងសង្គមឌីជីថល។

💬 តើអ្នកយល់យ៉ាងណា? សរសេរមតិរបស់អ្នកនៅក្នុង Comment ខាងក្រោម។

🎧 សូម Subscribe ដើម្បីកុំឱ្យខកខានវគ្គថ្មីៗរបស់ Phatcast។