في الحلقة دي من البودكاست بتكلم عن التشابه المرعب بين خوارزمية السوشيال ميديا وطريقة شغل مخ الإنسان.
زي ما الخوارزمية بتوريك أكتر حاجة بتتفاعل معاها، مخك كمان بيكبر ويغذي الأفكار اللي بتركز عليها كل يوم.
في الفيديو ده هتعرف:
• إزاي اللي بتشوفه وبتفكر فيه يوميًا بيشكل حياتك
• ليه السوشيال ميديا بتأثر على وعينا أكتر مما نتخيل
• إزاي تتحكم في “خوارزمية مخك” بإيدك
• خطوات بسيطة تغير بيها الدايرة اللي عايش فيها

لو حاسس إنك محتاج تغيير حقيقي، البداية من الوعي.

تنويه: الكلام اللي في الفيديو ده بيعبر عن فهمي وتجربتي الشخصية، وأنا كاملة المسؤولية عنه.
مش هدفه تعليم ولا فرض رأي، ومش محتاجة نصيحة إني أتكلم أو ما أتكلمش في المواضيع دي.
الإيمان رحلة شخصية، والتدبر الحقيقي دور كل واحد فينا مع نفسه.
اللي يلامس قلبه أهلاً بيه، واللي مش مناسب له عادي يعدّي من غير جدل 🤍

كبرنا وإحنا سامعين جُمل زي:
«ربنا شايفك»
«ربنا هيزعل منك»
«خلي بالك ربنا هيعاقبك»
واتزرع جوانا شكل علاقة مع ربنا قايمة على الخوف، والذنب، والإحساس إن ربنا واقف مستنينا نغلط.
كأن ربنا شخص زعلان مننا طول الوقت… مش رحيم، مش قريب، مش فاهم ضعفنا.

في الحلقة دي بنتكلم بصراحة عن:
إزاي تربية الأهل أحيانًا بتكوّن تفكير توكسك في علاقتنا مع ربنا
الفرق بين الدين الحقيقي… وصورة ربنا اللي اتزرعت جوانا وإحنا صغيرين
ليه حاجات كتير بنحس إنها “حرام” أو “غلط” وهي أصلًا تفاهات مش جوهر الدين
إزاي الشعور الدائم بالذنب مأثر على نفسيتنا وإحنا مش واخدين بالنا
وإزاي نبدأ نحرر نفسنا من الخوف… ونبني علاقة أهدى وأصدق وأقرب مع ربنا


الدين في الأساس:
إنك ما تؤذيش حد.
إنك تكون إنسان.
وإنك ترجع لربنا بقلبك… مش برعبك.

الحلقة دي مش ضد الدين.
دي محاولة نفهمه صح.
ونرجّع الطمأنينة لمكانها.

تنويه: البودكاست ده مش لأي حد شايف ان ناس معينة بس هي الي المفروض تتكلم في الدين وشكراً

في الحلقة الثانية من بودكاست أنا بنتكلم عن The Let Them Theory — الفكرة اللي بتغيّر نظرتنا للحياة وللناس حواليك.
بدل ما نحاول نتحكَّم في كل حاجة…
نتعلَّم نسيّب الأمور تمشي بطريقتها
ونركّز على إحساسنا الداخلي وراحتنا النفسية.

📌 الحلقة دي هتعلمك:

• ليه ترك السيطرة جزء مهم من السلام النفسي
• إزاي تبقي مبسوطة من غير ضغط على نفسك
• طريقة بسيطة جدًا لتخفيف التوتر
• تركيزك على نفسِك بدل ما تعيّشي في دوامة التفكير في الآخرين

🧠 إحنا هنا مش بنلغي أهمية أنا…
بس بنعطيها حرية وسلام داخلي 🫶

📣 لو الحلقة عجبتك…
❤️ اعملي Like
💬 اكتبِ رأيك في الكومنتس
🔔 اشتركي عشَان ما تفوتكش الحلقات الجاية

رسمياً أول حلقة من بودكاست أنا. أنا اهم حاجة في قصتي Main Character Energy زي مابيقولو. وماليش ولا سلطة ولا تحكم في اي حاجة غيري أنا. لو عايزة أشوف تغيير حقيقي في حياتي لازم يبدأ من جوايا أنا. بس في نفس الوقت، انا مدركة اني ولا حاجة في الكون ده. نقطة في بحر. جزء من كل. مش حور الكون.

مش بعتبر دي أول حلقة اوي، دي مجرد تعارف بينا وفضفضة من القلب. بقولكم سبب بدايتي للبودكاست دي و ايه الهدف منها.