Résultats de "Vamsy" dans Toutes les catégories

ఈ ప్రయాణంలో తనకు అర్ధం కానీ మనుషులు, తనకు ఎదురైనా భిన్నమైన మనస్తత్వాలతో, తాను ఇష్టం లేకపోయినా రాజీపడిన సందర్భాలు, బలహీనతల్ని పరిచయం చేసే వ్యక్తిత్వాలు ఎన్నోఎదురవుతాయి. జీవితంలో ఎవరి ఆదరణ ప్రేమాభిమానాలు పొందలేకపోతాడు, తాను ఏ నేరం చేయకపోయినా ఈ ప్రపంచంలో ప్రతి జీవరాశికి శత్రువు అయ్యాడు.

ప్రభాత కాంతిలో నీ సున్నితమైన దేహాన్ని తడిపి తడిపి నీలి శిరోజాల్ని జగమంతా పరిచి పరిచి నీ నీడలో నా నీడ కలిసే మధురక్షణం కోసం మన కలల జలతారుని కప్పుకుని నిశ్శబ్దంగా నాకోసం జపిస్తూ తపిస్తూన్న ప్రియా! నీ సుదీర్ఘ లేఖలన్నీ అందాయి... యుగయుగాలుగా నాకోసం వేచి చూస్తున్న నిన్ను శరవేగంతో వచ్చి అందుకుని నీ గాఢ పరిష్వంగంలో ఐక్యం అయ్యి, నీలో నేనుగా, నాలో నువ్వుగా జీర్ణమయ్యి నీ చిలిపి కలహాల్ని ఆరగించి, నీ విరహ వేదనని శ్వాసించి, క్రమించి, రమించి, ఉపశమించి, అలసతతో దగ్థమై, ఒక విశేషమూర్తిగా రూపాంతరం చెందాలని నా తపన, యాతన, వేదన.

వంశీ గారి పుస్తకాలలో 'గాలికొండపురం రైల్వే గేట్' సరికొత్త థ్రిల్లర్. ఒకప్పుడు ఈ కథను హీరో 'వెంకటేష్'తో సినిమాగా తీసే ప్రయత్నం జరిగినా అనుకోని కారణాలవల్ల సినిమాగా రూపుదాల్చుకోలేకపోయింది. అరకులోయ ప్రాంతంలో జరిగిన్నట్టు రాసిన ఈ కథను వింటున్నంతసేపు ఒక సినిమా చూసిన అనుభూతినే పొందుతారు. 'కణకణమండే రాక్షసి బొగ్గుని పచ్చని గుడ్డతో గట్టారనీ, ఏదో క్షణాన గుడ్డకాలి పొగతో మొదలై తర్వాత మండుతుందని తెలియదు వాళ్ళకి.

ఈ పుస్తకం బయట ప్రపంచానికి అనుమతి నివ్వని కుటుంబం నుండి వచ్చిన కోకిల అనే ఒక నర్తకి కధ. కోకిల దగ్గర దేవదాస్ అసిస్టెంట్ గా చేరతాడు. ఆమె గత జీవితం గురించి తెలుసుకుని ఒక కీలకమైన మార్పుకి కారణం అవుతాడు. కధ అనేక మలుపులు తిరిగి కోకిల మరణంతో ముగుస్తుంది. ఈ పుస్తకం లోని ప్రతీ పాత్ర మన చుట్టూ ఉన్న మనుషులను గుర్తు చేస్తూ ఉంటుంది.

తల్లీ - పిల్లా: తల్లి ప్రేమని గొప్పగా ఆవిష్కరించే కథల్లో ఈ తల్లీ పిల్లా ఒకటి. మాతృత్వం లోని కమ్మదనం ఈ కథలో చక్కగా అందుతుంది. ఈ సృష్టిలో తల్లిని మించిన వారు, తల్లి ప్రేమని మించిన ప్రేమ ఎక్కడా దొరకదు అనేది సత్యం.

సాధారణం గా అడవి లోపల ఏం జరుగుతుంది అనేది మనకి తెలియదు. కానీ ఈ అడవి లోపల కథ చదివితే అడవి గురించి, అడవి లోపలి సంగతుల గురించి అన్నీ యిట్టె తెలిసిపోతాయి.

నల్లమిల్లోరిపాలెం కథలు దర్శకుడిగానే కాదు రచయతగా కూడా వంశీ కి అభిమానులు ఎక్కువే. అందుక్కారణం ఆయన రచనా శైలి. సాధారణంగా ఒక కథని ఎంత ఆహ్లాదకరంగా చెప్పాము అని కాకుండా ఆ కథని చదువుతున్న పాఠకుడు ఆ కథలో ఎంత లీనమైపోయాడు అనేది ముఖ్యం. అలా మనల్ని లీనం చేస్తూ, సహజత్వానికి దగ్గరగా ఉండేలా రచనలు చేయగల నైపుణ్యం కలవాడు వంశీ. గోదావరి జీవన విధానాన్ని ఎంతో చక్కగా తన రచనల ద్వారా ఆవిష్కరించే వంశీ ఈసారి ఈ ''నల్లమిల్లోరిపాలెం కథలు'' సంకలనంలో వున్న 42 కథలుతో తనలోని వివిధ పార్శ్వాలని పాఠకులకి పరిచయం చేశారు.

వంశీ దర్శకత్వ ప్రతిభ మనందరికీ సుపరిచితమే. అలాగే అతని రచనా శైలి కూడా ఎంతో వినూత్నం గా ఉంటుంది. వంశీ రాసే కథలు కానీ ఆయన ఎంపిక చేసి ప్రచురించే కథా సంకలనం కానీ ఎంతో ఆసక్తి గా ఉంటుంది. ఆయన దృష్టిలో ప్రతి పుస్తకం రావటానికి వెనుక ఒక మూలమైన ఆలోచన ఉంటుంది. "ఆనాటి వాన చినుకులు" కి కూడా ఒక ఆలోచన ఉంది అని చెప్పుకోవచ్చు. దాదాపు 25 ఏళ్ల క్రితం ఒక గూడు రిక్షా మీద ఆయన చూసిన 'ఆనాటి వానచినుకులు' అన్న వాక్యం తనని ఆలోచనల్లోకి నెట్టింది. ఆ ఆలోచన కే ఒక రూపం ఇస్తూ వంశీ 24 కథలని కదంబముగా మన ముందుకు తెచ్చారు.

దర్శకుడు వంశీ రచయిత గా ఎన్నో కథలని రాశారు. ప్రతి కథ లో ఒక అమాయకత్వం, కాసింత ప్రేమ, కొంచెం వెటకారం తప్పకుండా ఉంటాయి.

మాట్లాడే జ్ఞాపకాలు- సినిమా కి సంబంధించి, ప్రతి కథ వెనుక ఒక కథ ఉంటుంది. తెర మీద మనం చూసే కథ ఒకటైతే, తెర వెనుక జరిగే కథ మరొకటి ఉంటుంది. అలాంటివి చదివినప్పుడు, తెలుసుకున్నప్పుడు భలేగా అనిపిస్తుంది మనకి. అటువంటి అనుభవాలని సహజం గా అక్షర రూపం దాల్చి పాఠకులకి అందించడం లో వంశీ ఎప్పుడూ ముందే ఉంటారు. ఇళయరాజా, వేటూరి,బాపు, రమణ ఇలా ఎందరో మహానుభావులతోనూ ఆయనకున్న అనుభవాలని పెనవేసుకున్న వంశీ తన జ్ఞాపకాలకు అక్షర రూపం ఇస్తూ, గోదారి నది సంగతుల నుంచి చెన్నై నగర విశేషాల దాకా పాఠకులకి అందించారు, ఈ "మాట్లాడే జ్ఞాపకాలు" పుస్తకం లో.

తల్లి తండ్రులు ఇద్దరూ బిడ్డల దృష్టి లో సమానమే.అయితే ఒక్కో సారి తల్లి ప్రేమ దక్కిన వాళ్ళకి తండ్రి ప్రేమ దొరకదు. తండ్రి ప్రేమ దక్కిన వాళ్లకి తల్లి ప్రేమ దొరకదు. ఎప్పుడూ కూడా తల్లిని గొప్పగా చూపినంత గా ఈ సృష్టి లో తండ్రి ని పొగిడిన దాఖలాలు లేవు. అటువంటి అంశం మీద తండ్రి గురించి, తండ్రి ప్రేమ గురించి గొప్పగా చూపెట్టిన కథ ఈ 'నాన్నంటే'. ఏ ఎస్ జగన్నాథ శర్మ రాసిన ఈ కథ కూడా వంశీ కి నచ్చిన కథలు సంకలనంలో ఒకటి.

ఎంతో కష్టపడి ప్రజలకి సేవ చేయాలనే ఉదేశంతో చాలా మంది రాజకీయాల్లోకి వస్తారు. వచ్చే అందరూ మంచి చేయాలనే ఉదేశంతోనే వస్తారేమో కానీ అన్ని సార్లు అది కుదిరే పని కాదు. ఎక్కడో ఒకళ్ళు ఇద్దరు తప్ప నిజాయితీగా ప్రజల కోసం సేవ చేసే వారి సంఖ్య చాలా తక్కువ. ఈ ప్రస్థానం అనే కథ వారి గురించే. వరలక్ష్మి రాసిన ఈ కథ కూడా వంశీకి నచ్చిన కథల్లో ఒకటి.

కొన్ని కొన్ని కథలు వ్యంగ్యం గా ఉంటూ నే గొప్ప సందేశాన్ని వెలిబుచ్చే లా ఉంటాయి. అటువంటి కథల్లో ఒకటి ఈ పురాగణం. మనిషి కోతి నుంచి పుట్టాడు అనే సిద్ధాంతం మనకి తెలుసు. అట్టి సిద్ధాంతం ప్రధానం గా మానవ జన్మ ఎంత అధోగతి కి దిగజారిపోయిందో చెప్తుంది ఈ కథ. ఈ కథ రాసింది జీ. ఆర్ మహర్షి. వంశీ కి నచ్చిన కథలు సంకలనం లో ఈ కథ కూడా ఒకటి.

పాత్రల తో గారడీ చేస్తూ ఒక తత్వాన్ని బోధించే కథలు బయటకు రావడం అంత మామూలు విషయం కాదు. అటువంటి ఒక కథే ఈ 'ప్రాప్తం'. నిడదవోలు మాలతి రాసిన ఈ కథ లో జీవితం గురించి జీవిత పరమార్థం గురించి చక్కగా వర్ణించడం జరుగుతుంది. ఈ కథ హార్ట్ టచింగ్ గా ఉంది అంటారు వంశీ. ఇది కూడా వంశీ కి నచ్చిన కథలు సంకలనం లో ఒకటి.

ప్రేమ అపురూపమైనది. ఒక్కో సారి ఎవరి మీద ప్రేమ పుడుతుందో ఇట్టే అర్ధం కాదు మనకి. అలాంటి ఒక కథ ఈ పారిజాతం. అకస్మాత్తుగా పరిచయం అయ్యి, ఒక అబ్బాయి గుండెలో భావాలను పలికించి మరలా కనిపించకుండా ఆ అమ్మాయి వెళ్ళిపోతే, ఆ కథ సరిగా ఇలానే ఉంటుంది. వి. అశ్వినీ కుమార్ రాసిన ఈ కథ కూడా వంశీకి నచ్చిన కథల్లో ఒకటై, వంశీకి నచ్చిన కథలు సంకలనంలో భాగమైంది.

ఒక స్త్రీ కి మరొక స్త్రీ ఎప్పుడూ శత్రువే అనే విషయం కొత్తేమీ కాదు. అయితే ఇవాళ్టి రోజున కూడా ఈ విషయం అత్యంత ప్రామాణికం గా ఉంది. మహిళలు అన్ని రంగాల్లో చురుగ్గా పాల్గొంటూ ముందుకు సాగుతున్న ఈ తరుణం లో మహిళ కి మహిళా శత్రువుగా మారడం గల ఆంతర్యం గురించిన మహిత అనే ఈ కథ ని సామాన్య రాసారు. మంచి సందేశం తో కూడిన ఈ కథ వంశీ కి నచ్చిన కథల్లో ఒకటి.

వివాహం అనేది అందరి జీవితాల్లో గొప్పగా ఉంటుంది అనుకోవడంలో అర్ధం లేదు. చాలా మందికి అసలు వివాహం చేసుకోవడానికి మనసొప్పదు. ఎందుకు చేసుకోవాలి పెళ్లి అనే ధోరణిలో మాట్లాడుతూ ఉంటారు. కొన్ని కొన్ని సార్లు వారి ఆదర్శాలకు వాస్తవం అడ్డొస్తుంది. అటువంటి పరిస్థితిలో వారు ఎలా ఉంటారు అనేది చెప్తుంది, పూడూరి రాజిరెడ్డి రాసిన మరణ లేఖలు అనే ఈ కథ.

కాలంతో పాటుగా మనిషి మారాలి అనేది నిజం. అందులోని సత్యం గ్రహించినవారు ఆధునికతకి అలవాటు పడి అదృష్టవంతులవుతారు. అలా కాకుండా మార్పుకి సహకరించకుండా ఇంకా పాత కాలపు వ్యవహారాలతోనే గడిపేస్తే వారికే నష్టం. ఇంకా మూఢ నమ్మకాలని గుడ్డిగా పాటించే అనేక మందికి ఈ తాతయ్య వాచీ కథ ఒక చక్కని సందేశం ఇస్తుంది.

పెళ్ళటూర్లలోని కథలు ఎప్పటికప్పుడు అద్భుతంగా అందం గా ఉంటాయి. ఈ కథల్లో ని సారం అర్ధం చేసుకున్న వాళ్లకు ఎప్పుడూ సంతోషమే. అలాంటి కథే ఈ పగటి వేషం. వంశీ ప్రకారం ఈ కథ లో తెలుపు ఉంది, నలుపు ఉంది. తెలుపు నలుపుల సమ్మేళనమే ఈ పగటి వేషం. ఈ కథ రాసిన వారు ఉపాధ్యాయుల గౌరీ శంకరరావు. వంశీ కి నచ్చిన కథల్లో ఇదీ ఒకటి.

డా. నక్కా విజయరామరాజు రాసిన ఈ యానాదులు దిబ్బ కథ లో, ప్రధాన పాత్ర తో మంచి కథ ని చెప్పడం జరిగింది. కొన్ని స్థలాలు కేవలం స్థలాలు గా మాత్రమే ఉండకుండా కొన్ని కథలకి సాక్ష్యాలు గా ఉంటాయి.