Résultats lu par "OSHO" dans Toutes les catégories

Is pravachan me Osho kahte hai ki paramatma ki purani dharna ab kaam nahi aayegi. Usase upar uthkar dhyan me utarna chahiye tabhi jivan ka arth samajh mei ayega. Ishvar ko upasthiti ki bhanti samjhe, vyakti ki bhanti nahi.

Vipassana sabse kimti dhyan hai. Iski vidhi hai, sirph baithkar shvas ko dekhte rahna. Yah pranayam nahi hai, shvas ki naisargik gati ko sakshibhav se dekhna hi vipassana hai. Is tarh dekht-dekhte hi chitt ke sare rog tirohit ho jate hai, sharir se sambandh tut jata hai. Ise aharnish kahi bhi kiya ja sakta hai.

Yadi aap jivan me atma-kranti chahte hai to apani sari bhulo ka, apni samasyao ka uttardayitva lo. Dusro par dosh madhne se kuch hasil na hoga. Manovigyan aur dharm me yahi phark hai. Manovigyan apani manasikta ke liye dusre ko doshi manta hai, aur dharm svayam ko. Pashchim ahamkar ko majbut karta hai aur purab ahankar ko mitata hai. Yadi tum jimmedar ho to hi vikas ki sambhavna banti hai.

Yah samaj tumhare dukh par ji rahe ho. Yaha jo yashasvi log hai ve tum par tabhi tak niyantran kar sakte hai jab tak tum dukhi ho. Islyie tumhe dhukhi rahna padta hai. Lekin sukh tumhara svabhav hai, tumhare bhitar hi hai. Dukh ke karan dur kar do, sukh pragat hoga.

Shubh ko aksar ek naitik karm samajha jata hai lekin Osho kahte hai ki shubh koi krutya nahi hai, acharan nahi, bhav hai. Jo karne se tumhe anand milta hai vah tumhare liye shubh hai. Isaliye apna chand khojo, apna anand khojo.Vahi shubh hai.

Shreshth vahi hai jo jhuk sakta hai. Is pravachan me Osho ek bahut gahri baat kah rahe hain jo mahtvakanksha ki daud ke viprit hai. Sagar itana virat hai kyoki vah sabse niche hai isaliye har jharna usi me akar girta hai. Purab ne bahut bahut tarah se jhukne ka aur sab kuch pane ka raaj jaan liya hai. Jinhe hinta ki granthi hai ve hi daudte hai.

Shraddha ka sutra jivan me sari sambhavnao ko apne me liye hai. Aamtaur se log sochte hain ki shraddhalu vyakti kamjor hota hai. Bilakul galat baat hai. Shraddhalu hi shaktishali hai, buddhivadi kamjor hota hai kyoki vah har bat ka praman mangta hai.

Prem ke pahaluo ko ujagar karnevala adbhut pravachan. Osho kahte hai ki prem me jab tak vyakti apna ahankar khota nahi hai tab tak prem nahi ho sakta. Prem hriday me ghatata hai aur hriday ke liye jhukna bahut asan hai. Prem mitne ki kala sikhata hai aur jine ki bhi.

Paramatma nikat me jana jata hai. Nikat ko pahachanne ka marg hai prem. Anuman nahi, tark nahi, jab prem me doobkar tumhara hriday geet gungunata hai tab tum paramatma ka anubhav karte ho. Paramatma anuman nahi, prem ki pratiti hai.

Prem ke vibhinna pahaluo ko samajhne ke liye yah anupam pravachan hai. Osho kahte hain ki prem badi adbhut ghatna hai.Yah sadharan nahi hai, alaukik hai. Is prithvi par svarg ki jo choti si kiran utarti hai uska nam prem hai.

Osho prem ki gahri paribhasha karte hai jo samanya paribhasha se bilakul alag hai. Prem ek gahri shvas hai, atma aur paramatma ke bich ka jod. Prem ki tarange jab bahti hai tab ham astitva se judte hai, usii me apne hone ka pata chalta hai. Isliye prem se gahri dusari koi anubhuti nahi.

Manushya ke jivan me svatantrata buniyadi sutra hai. Jitne kam honge niyam, jitani kam vyavastha karne ki cheshtha hogi utni hi vyavastha aati hai.Jitne jyada niyam honge utani arajakata paida hogi. Kyonki vyavastha lane ki sari koshish nishedhatmak hoti hai.

Is pravachan me osho naye manushya ki ghoshna karte hai. Naya manushya vigyan, dharm aur kala ka jod hoga. Naye manushya ka din aa raha hai. Nai subah ho rahi hai. Yah naya manushya hamare bhitar hi janmega.

Astik aur nastik ki bahut anuthi paribhasha kar rahe hai Osho. Jivan me andhera hai aur prakash bhi hai. Andhere par koi ruk jaye to nastik, andhere ko pahachan kar prakash ki khoj me nikal jaye to astik.

Samyak darshan ke bina gyan nahi. Gyan ke bina charitrya nahi. Charitrya ke bina moksha nahi. Jo abhi charitra me shudha nahi hua usaka moksha kaha?

Jivan ke satya kahi door akash me nahi chipe hai. Ve yahi likhe pade hai charo taraf. Patte-patte par aur kan-kan par ved likhe hai, bas dekhnevali ankh chahiye. Anubhav ke phul ikaththe karake mat rakhna, unka itra nikalna, tabhi satya milega.

Jagaran ki bela kaunsi? Jis kshan jag aa jaaye vahi. Iska artha hua, kisi bhi kshan jaag sakte hai.Yahi baat Osho samjha rahe hai isme. Bhoot aur bhavishya me uljhe na rahe, vartaman me hosh ko laaye. Suraj bhitar maujood hai.

Kya aap dhyan karna chahte hai? to phir yah pravachan sune. Osho ke sutra saral hai: Ekant dyan ki bhumika hai, avyastata dhyan ka dvar hai, prakriti sannidhya dhyan me atyant sahayogi hai.Vichar shant ho jaye, akash se badaliya chali jayen, akash hi bache jo chetna se alokit ho.

Charitra ki badi sundar mimansa hai is pravachan me. Aam taur par ham charitra use kahte hai jo bahar se aropit hai. Aisa charitra kitna hi majabut dikhai pade, kisi bhi kshan toot sakta hai. Asli charitra bhitar nirmit hota hai aur bahar phailta hai; jiski jaden svabhav me chipi hai.

Is pravachan me Osho manovaigyaniko ka satik visheshan karte hain.Dusro ki madad karte-karte ve khud ki madad karna bhool jate hai. Asli dhyan hai man ki halchal ke prati jagna. Na to usame ulajhna, na usase bhagna. Jagne ka sutra hai sakshi banna. karke dekhem, bahut anand milega.