Résultats lu par "J.S.Arvind" dans Toutes les catégories

వైద్య వృత్తి అంటే నే గౌరవప్రదమైన వృత్తి అంటారు అందరూ. ఎందరో వైద్యులు రోగులకు సేవలు చేస్తూ చిరస్ధాయి గా నిలిచిపోయిన ఘటనలు చాలా నే ఉన్నాయి. డా. సుబ్రహ్మణ్యం గారి దవాఖానా అనే కథ కూడా ఒక గొప్ప వైద్యుని గూర్చి అతను చేసిన సేవలు గూర్చి చెప్తుంది. ఈ కథ స్వయంగా ఈ కథ రాసిన రాజేంద్రగారి తండ్రిగారిది. ఈ కథ కూడా వంశీ కి నచ్చిన కథల్లో ఒకటి.

అందరు మనుషులు ఒకటి కాదు. అందరికీ ఏవేవో కోరికలు ఉంటాయి. అందులోనా, కొందరికి ఈ నాటకీయ పరిస్థితుల మధ్య బతకడం అంటే అస్సలు ఇష్టం ఉండదు. ఎక్కడికైనా వెళ్ళిపోవాలి, హాయిగా గడపాలి, ప్రకృతి ని వీక్షిస్తూ ఆహ్లాదంగా ఉండాలని కోరికలు ఉంటాయి.

కథ టైటిల్తోనే రచయిత ఈ కథ మీద ఎంతగానో ఆసక్తిని తీసుకొని వచ్చాడు. చక్కని ప్రేమ కథని సాధారణంగా అందరూ చెప్పే శైలిలో కాకుండా అందులో మంచి భావుకతని జోడించి ఉత్కంఠభరితంగా సాగేలా చేశారు రచయిత వేణు. కథలోని కొత్తదనం ఇంకా అలానే ఉంటుంది. వేణు రాసిన నవ్విన ధాన్యరాశి వంశీగారికి ఎంతగానో నచ్చిన కథల్లో ఒకటి.

మానవ సంబంధాలు అనేవి ఆర్ధికమైనవే తప్ప హార్ధికమైనవి కాదు అనే విషయాన్ని ఆవిష్కరించే కథ ఈ మ్యాచ్ ఫిక్సింగ్. మన సంబంధాల పై, ఒక చక్కని కోణం లో విశ్లేషించి మనోరంజకం గా మలచబడ్డ ఒక కుటుంబం కథ ఈ 'మ్యాచ్ ఫిక్సింగ్.' కె వీ నరేందర్ రాసిన ఈ కథ లో సహజత్వం ఉండటం వంశీ కి ఎంతగానో నచ్చిన అంశం. ఇది కూడా వంశీ కి నచ్చిన కథలు సంకలనం లో చోటు చేసుకుంది.

యదార్థ సంఘటనల ఆధారం గా రాసే చాలా కథల్లో ఎక్కువ శాతం సస్పెన్స్ భరితంగా సాగే వి ఉంటాయి కానీ మంచి సందేశాత్మక కథలు తక్కువ. అటువంటి కథల్లో ఒకటి ఈ నాగరిక చితి. ఎం ఎస్ సూర్యనారాయణ పులి ని చంపి దహనం చేసిన ఘటన ఆధారం గా రాసిన ఈ కథ పర్యావరణ కాలుష్యం పైన ఉంటుంది. మానవ పాత్రలు లేకుండా తయారు చేసిన ఈ కథ ఒక ప్రయోగం అని చెప్పుకోవచ్చు. ఇది కూడా వంశీ కి నచ్చిన కథల్లో ఒకటి.

కొనకళ్ల వెంకట రత్నం రాసిన సంక్రాంతి కానుక వంశీ కి గొప్ప అనుభూతి ని మిగిల్చి అతని సంకలనం లో చోటు దక్కించుకుంది. సంక్రాంతి పండుగ చుట్టూ ఉండే కథలు, సంబరాల నడుమ జరిగే కథ ఈ సంక్రాంతి కానుక. ఆద్యంతం వినోదంగానూ, ఉత్కంఠగా సాగే కథ ఇది. వంశీ కి నచ్చిన కథలు సంకలనం లో ఇదీ ఒక కథ.

ప్రకృతి ఎంతో సౌందర్యం గా ఉంటుంది. ఆ ప్రకృతి లో అన్నీ అందం గా ఉంటాయి కొందరికి. మరీ ముఖ్యం గా చంద్రుడు అంటే మక్కువ ఉన్నవారు చాలా మందే ఉంటారు. ఆకాశం లో చంద్రుణ్ణి చూస్తూ హాయిగా గడిపే క్షణం మధురం గా ఉంటాయంటారు ఆ అనుభూతి ని పొందిన వారు. అలంటి భావుకతను అడ్డం పట్టే కవిత గానం లాంటిది ఈ కథ 'చంద్రుడు గీసిన బొమ్మలు' అంటారు వంశీ. భాగవతం రాసిన ఈ కథ వంశీ కి నచ్చిన కథల్లో ఒకటి.

వివాహం ఇంకా కొందరికి అందని ద్రాక్షే. పెద్ద కుటుంబాల్లో చాలా మంది ఆడపిల్లలకి వివాహం చేయాలంటే అది ఒక పెద్ద పని. అందరికీ ఆ అదృష్టం ఉండదు.

యదార్థ ఘటనల ఆధారం గా వచ్చిన కథలు ఎప్పటికప్పుడు మనల్ని అలరిస్తూ నే ఉంటాయి. అటువంటి కథల్లో ఒకటి ఈ తుఫాను. 1996 లో కోనసీమ లో సంభవించిన ఒక పెను తుఫాను చుట్టూ జరిగిన ఒక కథ ఆధారంగా ఈ కథ అల్లబడింది. ఆ తుఫాను తాలూకు కథలు, అప్పటి సంఘటనలు వాస్తవంగా మన కి కథ రూపం లో తీసుకొని వచ్చారు రచయిత్రి రావులపల్లి సునీత.

వైష్ణవి రాసిన సహచరి కథ లో భార్యాభర్తల మధ్య అనుబంధం కనిపిస్తుంది మనకి. ఈ కథ యొక్క నేపథ్యమే అది. గోదావరి పరిసర ప్రాంతాల్లో ప్రకృతి కి చేరువలో జరిగే కథ ఈ 'సహచరి'. గిరిజన జీవన సౌందర్యాన్ని కళ్ళకి కట్టినట్టు కథలో చూపెట్టారు అంటారు వంశీ. ఇదీ ఆయనకీ నచ్చిన కథల్లో ఒకటి.

సమాజం ఒక అరణ్యం అయితే, ఈ జనారణ్యం లో ఎన్నో క్రూర మృగాలు నక్కి ఉన్నాయి. మన చుట్టూ ఉంటూ ఎన్నో అవాంఛనీయ సంఘటనలకు పాల్పడుతున్నారు. ఈ ఇతివృతాంతం తో నల్లమల అడవుల దగ్గర ఒక చిన్న కుగ్రామం ని నేపథ్యం గా మలుచుకొని రాసిన ఈ 'కాసి బుగ్గ' కథ అందరినీ తప్పక ఆలోచింపజేస్తుంది. ఇదీ వంశీ కి నచ్చిన కథల్లో ఒకటి.

ఇంద్రగంటి హనుమచ్చాస్త్రి తన వెలుగు నీడలు కథ ద్వారా ఎంతో గొప్ప సందేశాన్ని తెలియజేసారు. ఈ కథ లో మంచి భావుకత, అదే విధంగా ఒక గొప్ప కథ దాగి ఉంది అని చెప్పడంలో ఎటువంటి అతిశయోక్తి లేదు. ఈ కథ లో ప్రధాన పాత్రల మధ్య అనుబంధం ఒక ప్రత్యేకత అని చెప్పుకోవచ్చు. ఈ కథ కూడా వంశీ కి నచ్చిన కథల్లో ఒకటి. వంశీ ప్రకారం ఈ కథ తన సంకలనం లో ఒక తరళ రత్నం.

వెన్నెల నీడ లో వాసంతి. ఇది వంశీ రాసిన కథల్లో ఒకటి. ప్రేమ అనే భావాన్నీ ఎంతో చాక్కగా వర్ణిస్తూ నచ్చిన అమ్మాయి సొగసు గురించి చెప్తూ ఒక ఆహ్లాదకరమైన భావనని పాఠకులకి అందిస్తుంది ఈ కథ. వంశీ రాసిన కథల్లో తనకి ఎంతగానో నచ్చిన కథ ఇది అని చెప్పుకున్నారు.

కాలానికి అనుగుణం గా మనం నడుచుకుంటూ పోతే నే ఈ సమాజం లో మనకి విలువ అనేది ఒక అభిప్రాయం. అయితే కాలం తో పరుగులు పెడుతూ మన గురించి మన వారి గురించి ఎంత ముందుకు వెళ్లినా ఎదో ఒక లోటు ఉంటుంది. ఆ లోటు ని గమనించే లోపు మనమే కాలం చేయాల్సిన స్థితి దావూరించవచ్చు. ఈ అంశాన్ని చక్కగా వర్ణించారు దొడ్డిగల్లు నారాయణరావు. కాలంxవేగం = దూరం అనే ఈ కథ ఒక గొప్ప ఫీలింగ్ ని ఇస్తుంది అంటారు వంశీ.

బతుకంటే ఏంటి? సుఖం అంటే ఏంటి? ఈ అవగాహన అందరికీ ఉండదు. అందరి జీవితాల్లోనూ ఈ విషయం ఒకేలా ఉండదు. ఆ కథ నే సీతాలు పాత్ర ద్వారా ఈ కథలో చెప్పారు కె వీ ఎస్ శర్మ. సుఖం అనే టైటిల్ తో ఉన్న ఈ కథ ఒక సున్నితమైన అంశాన్ని చాలా చక్కగా పాఠకులకి అందజేస్తుంది. ఈ కథ ని వ్యక్తపరిచిన విధానం వంశీ ని ఎంతగానో ఆకట్టుకుంది,

కాలం మారుతుంది. సమాజం లో కొత్త పోకడలు వస్తున్నాయి కానీ పురుషాధిక్యం మాత్రం ఇంకా ఈ ప్రపంచాన్ని ఏలుతుంది. స్త్రీ తన శక్తీ ని ఆధిపత్యాన్ని చూపించుకొనేందుకు సన్నద్ధం అవుతున్నా అందుకు అడ్డు గోడలు కట్టే వాళ్ళు లేకపోలేదు. దీనంతటికి పరిష్కారం ఏంటి అనే కోణం లో ఉంటుంది ఈ కథ, ఒక విలన్ ఆత్మహత్య. వినోదిని రాసిన ఈ కథ వంశీ కి నచ్చిన కథల్లో ఒకటి.

కష్ట నష్టాలని ఎదుర్కొని ముందుకు సాగే కుటుంబాలు అనేకం ఉన్నాయి ఈ సమాజంలో. అయితే చాలా మంది ఈ సమాజంలోని స్వార్థపరుల చేతిలో చిక్కి ఎప్పటికప్పుడు చస్తూ బతుకుతున్నారు. ఈ అన్నిటి మధ్యలో ఎంతో క్షోభ దాగి ఉంది. వీటన్నిటినీ సహజంగా కళ్ళకి కట్టినట్టు చూపెడుతూ రాసిన కథ 'ఎన్నెన్నో ఆత్మహత్యలు'. మనస్తత్వ శాస్త్రానికి సంబందించినది ఈ కథ అంటారు వంశీ.

పెళ్లి తంతు ఎప్పుడూ సరదాగా, సందడిగా, ఆహ్లాదంగా ఉంటుంది. ఒకప్పటికి ఇప్పటికీ చాలా తేడాలు ఉన్నాయి. ఇప్పుడంతా రెడీమెడ్ అయిపోయింది. పెళ్లిళ్ల ఈవెంట్ మేనేజర్ల రాకతో పెళ్ళి తంతు జరిగే తీరు తెన్నెలు మొత్తం మారిపోయాయి. ఈ విషయాన్ని చక్కగా అన్వయం చేస్తూ ఈవెంట్ మేనేజర్ అనే కథని సోమరాజు సుశీల మన ముందుకు తీసుకొని వచ్చారు.

మారుతున్న కాలం లో నిలదొక్కుకోవాలంటే కొన్ని వృత్తుల వారికి కష్టం. మరీ ముఖ్యం గా టెక్నాలజీ అభివృద్ధి చెందుతున్న ఈ తరుణం లో కొన్ని వృత్తులని వైజ్ఞానం పక్కన పెట్టింది అని చెప్పొచ్చు.

రచయిత మెహర్ కి ఒక నాడు వచ్చిన పీడ కల కి అక్షర రూపం ఇవ్వగా తయారయిన కథ ఈ 'రంగు వెలిసిన రాజు గారి మేడ.' మెహర్ ఈ కథ కి ఒక కొత్త కోణాన్ని జోడించారు. ప్రేమ ని మరియు ప్రేమలో ఉండే ఆదుర్దా ని మంచి పాత్రల ద్వారా చిత్రీకరించి నెలకొల్పారు ఈ కథని. వంశీ కి నచ్చిన కథలు సంకలనం లో ఈ కథ కూడా చోటు సంపాదించుకుంది.