Épisodes

  • UMUSI WAHARIWE AMAHORO KW'ISI

    UMUSI WAHARIWE AMAHORO KW'ISI
    Sep 21 2026
    Kaze mu kiganiro Wiriwe Maine co kuri uyu wa mbere, igenekerezo rya 21, ukwezi kw'icenda , umwaka w'i 2026.
    Muri kino kiganiro, tugaruka ku musi mpuzamakungu wahariwe amahoro kw'isi, uhimbazwa kuri ino tariki nyene buri mwaka kuva muri 2002 , inyuma y'umwaka umwe ONU yemeje iryo genekerezo, naho kuva muri 1981 wari uzwi, ariko utaratangura kwizihizwa kw'itariki imwe kanuni. Muri kumwe na Eloge Willy Kaneza.









    Afficher plus Afficher moins
    31 min
  • Ivyo kumenya kukugura inzu canke ibibanza muri Maine

    Ivyo kumenya kukugura inzu canke ibibanza muri Maine
    Aug 18 2026
    Muri kino kiganiro, umuhinga Didace Shima aratubwira bimwe muvyo abatari bake bibaza bakaburira inyishu ku bimukira bifuza kugura amazu, eka mbere n'amatongo yo kubakamwo inzu. Iki ni igice ca mbere. Murakoze kudukurikirana. Ni ahubutaha.
    Afficher plus Afficher moins
    55 min
  • IMIKORERE YA ICE IKOMEJE KWAMAGANWA MURI MAINE

    IMIKORERE YA ICE IKOMEJE KWAMAGANWA MURI MAINE
    Jul 19 2026
    Ikaze mu kiganiro Wiriwe Maine co kuri uyu w'Imana.

    Muri iki kiganiro, turagaruka ku kibazo c'imikorere y'Igipolisi kijejwe abinjira n'abasohoka muri Amerika, ICE (U.S. Immigration and Customs Enforcement).

    Ku wa 7 uku kwezi kw'indwi, umwimukira akomoka muri Mexique yararashwe n'abakozi ba ICE mu gisagara ca Houston, muri Reta ya Texas. Hanyuma, ku wa 13 uku kwezi nyene, uwundi mwimukira akomoka muri Colombie na we yararashwe mu gisagara ca Biddeford, hano muri Reta ya Maine.

    Izo mpfu zose zibiri zatumye haba inyifato zitandukanye. Ku ruhande rumwe, ubutegetsi bwa Amerika bwafashe ingingo zijanye n'itohoza ry'ivyo vyabaye. Ku rundi ruhande, amashirahamwe aharanira uburenganzira bw'abimukira n'impirimbanyi bakomeje imyiyerekano n'ubukangurambaga bwo kwamagana ibikorwa vya ICE.

    Kugira dutahure neza ico ICE ari co, ingene ikora, ico izi mpfu zishobora kuvyara muri politike y'ibibazo vy'abimukira, na canecane ingaruka zishobora kugira hano muri Reta ya Maine, twatumiye umusesanguzi Jean Hakuzimana, asanzwe arongoye umugambi wo gutuza no gufasha abimukira muri imwe muri reta zo muri Amerika.

    Iki kiganiro mushikirizwa na Eloge Willy Kaneza.

    Murakoze kuduhitamwo.
    Afficher plus Afficher moins
    31 min
  • IBIHUGU BIHAMAGARIRWA KUBAHIRIZA AMATEGEKO AGENGA IMPUNZI N-ABIMUKIRA

    IBIHUGU BIHAMAGARIRWA KUBAHIRIZA AMATEGEKO AGENGA IMPUNZI N-ABIMUKIRA
    Jun 28 2026
    Itariki ya 20 ukwezi kwa gatandatu uko umwaka utashe kuva muri 2001, isi ihimbaza umusi mpuzamakungu wahariwe impunzi n-abimukira. Eka n'ukwezi kwa gatandatu kwititirwa ukwezi ko kwibuka uburenganzira n'ukwihangana kwabo. Uyu mwaka , uwo musi n;uko kwezi bishitse impunzi n-abimukira kw-isi basugerejwe n'ibibazo bitandukanye harimwo uguhamwa, ukwirukanwa , ukubura imfashanyo n'ibindi vyinshi. Kugira dutahure iki kibazo hamwe n-umuti waco, mu kiganiro " Wiriwe Maine" twatumiye Léopold Sharangabo, umukuru w'ishirahamwe CDH/VICAR rikorera ku bibazo vy'impunzi.
    Afficher plus Afficher moins
    48 min
  • IMPUNZI NI ABANTU NK-ABANDI BAKWIYE KWUBAHWA

    IMPUNZI NI ABANTU NK-ABANDI BAKWIYE KWUBAHWA
    Jun 7 2026
    Kaze mu kiganiro Wiriwe Maine co kuri uyu wa Mungu igenekerezo rya 7 ukwezi kwa gatandatu umwaka wa 2026. Muri kino kiganiro twabazaniye umupfasoni Marguerite Barankitse, Umurundikazi azwi cane ku mazina y'ubuhizi nka OMA canke Maggy. Kuwa 17 ukwezi kwa gatanu guheze, yaronkejwe impamyabushobozi y'ubunyacubahiro na Kaminuza y-Abakatolika yitwa Notre Dame yo mu muji wa South Bend muri Reta ya Indiana, muri Amerika. Ni kimwe mu bigo vya kaminuza bikomeye cane muri Amerika. Marguerite Barankitse yahunze igihugu ciwe muri 2015 mbere akaba aronderwa n'ubutungane bw-Uburundi bwamuciriye uwo guherayo adahari bumaze kumunyaga ivyiwe vyose, yemeza ko ataco bimutwaye. Gusa aremeza ko kubaho atagira igihugu ari ikintu kibi, atari kuri we gusa ahubwo kuri buri kiremwa muntu.

    Muri kino kiganiro na Eloge Willy Kaneza yamusanze kuri Notre Dame, arashimangira ikintu muri kino gihe gihanze canke cugarije isi: ugukumira abimukira n;impunzi no kubafata bunyamaswa. Agira ati" Impunzi ni Abantu nk-Abandi bakwiye kwubahwa."
    Afficher plus Afficher moins
    43 min
  • MARGUERITE BARANKITSE- MERE TEREZA WO MURI AFRIKA

    MARGUERITE BARANKITSE- MERE TEREZA WO MURI AFRIKA
    May 17 2026
    Kuri uyu w'Imana twashimye kongera kugarura ikiganiro twakoranye na Marguerite Barankitse, mu kwezi kwa kane umwaka wa 2025. Uwo mukenyezi w'Umurundikazi yacitse rurangiranwa kubera ibikorwa vy'ubutabazi akora , muri kino gihe cane cane mu gisata co gufasha impunzi, kuri uyu wa Mungu ari mu bantu indwi baronswa impamyabushobozi y'iteka na kaminuza ya Notre Dame yo muri Leta ya Indiana muri Amerika.

    Marguerite Barankitse, azwi nk’Umumarayika w’i Burundi canke Mère Teresa wa Afrika, ni umukenyezi azwi cane mu bikorwa vy’imbabazi no gutabara abatishoboye muri Afrika. Yavutse mu 1957 mu ntara ya Ruyigi, mu buseruko bw’u Burundi. Uwo mugore w’umu Kristu akomoka mu bwoko bw’Abatutsi yahariye ubuzima bwiwe gukingira abana bagizweko ingaruka n’intambara zishingiye ku bwoko n’ivyiyumviro vya poritike mu gihugu ciwe.
    Mu 1993, igihe Uburundi bwadukamwo intambara n’ubwicanyi vyakurikiye iyicwa rya Perezida Melchior Ndadaye, Umuhutu wa mbere yaratowe mu kibanza c’umukuru w’igihugu akicwa inyuma y’amezi atatu gusa atwara, umukenyezi Barankitse yabonye n’amaso yiwe ubwicanyi bwabereye muri diyoseze ya Ruyigi. Yabashije gukiza abana 25 bari bagiye gupfa. Ico gikorwa catanguje Maison Shalom, ikimenyetso c’amahoro no kwiyunga. Mu myaka yose yakurikiye, ico kigo caritayeho, caravuye kandi carigishije abana barenga 47.000, ata gutandukanya ubwoko. Amashure, amavuriro, amazu, n’amashirahamwe yo kwigisha kwiziganiriza vyarubatswe biciye ku buyobozi bwiwe.
    Kubera ibikorwa vyiwe vy’akaroruhore, yarashimiwe n’ibigo mpuzamakungu bitandukanye, harimwo ibi bihembo bikomeye:
    • Agashimwe k’Uburenganzira bwa muntu (Ubufaransa, 1998)
    • Agashimwe k’Amajepfo n’Amajyaruguru k’Inama y’Uburayi (2000)
    • Agashimwe k’Abana bo kw’isi yose (2003)
    • Agashimwe ka Nansen k’impunzi (HCR, 2005)
    • Agashimwe ka Opus (2008)
    • Agashimwe k’ukurwanya amakimbirane – Fondasiyo Chirac (2011)
    • Agashimwe k’Aurora ko Gukangura Ubumuntu (2016)
    Mu 2015, amaze kunegura ikiringo ca gatatu ca Perezida Pierre Nkurunziza, yaciye ahungira hanze. Mu Rwanda ahaba, yagumije ibikorwa vyiwe, ashinga Ikigo c’Umuryango w’Amahoro i Kigali – ahakirirwa, higishirizwamwo kandi havurirwamwo impunzi z’Abarundi.
    Vyongeye, yatanguje Fondasiyo Marguerite Barankitse, igamije guteza imbere impunzi no gushigikira imigambi y’amahoro, ubutungane n’iterambere rirama.Naho hari itegeko mpuzamakungu ryatanzwe ngo atabwe muri yompi n’ubutungane bw’i Burundi, ntivyigeze bimutera ubwoba canke ngo bimuce intege mu migambi n’imigabo vyiwe. Marguerite Barankitse ni ishusho y’icizere ku bantu bariko barababara, kandi ni n’igicapo c’urukundo, ubutungane, ubuntu n’icubahiro muri kubu na kazoza.
    Afficher plus Afficher moins
    1 h et 11 min
  • IBIHUMBI VY'ABANYAMULENGE BAROYE D.C. KWIYAMIRIZA AMABI ABABO BAKORERWA SUD-KIVU

    IBIHUMBI VY'ABANYAMULENGE BAROYE D.C. KWIYAMIRIZA AMABI ABABO BAKORERWA SUD-KIVU
    May 3 2026
    Abanyamulenge baturutse mu ma Reta agera kuri 38 muri Amerika bakondoreye i Washington D.C. ku murwa mukuru wa politike wa Amerika baja kwiyamiriza amabi ababo bakorerwa mu misozi miremire mu ntara ya Kivu y-ubumanuko mu buseruko bwa Republika iharanira demokarasi ya Kongo. Mubaroye D.C. harimwo abaturutse aha muri Maine 236. Iryo koraniro ryari ryahamagawe n-ishirahamwe Mahoro Peace Association. Richard Munyentwari, aheruka gutanga mu mabanga yo guserukira iryo shirahamwe muri Maine akaba yari ahagarariye ibikorwa vy'itsinda ryari rijejwe umutekano kuwa 20 ukwezi kwa kane mu gihe abarenga 3000 bigaragamvya mu mabarabara ya Washington, yaganiriye na Eloge Willy Kaneza muri kino kiganiro maze atwiganira impamvu iyi myiyerekano yatunganijwe, icisiguye hamwe n'umuti abona w'ibibazo vyugarije Abanyamulenge muri Sud-Kivu.
    Afficher plus Afficher moins
    51 min
  • KWIBUKA KU NCURO YA 32 JENOCIDE YAKOREWE ABATUTSI-BATES COLLEGE

    KWIBUKA KU NCURO YA 32 JENOCIDE YAKOREWE ABATUTSI-BATES COLLEGE
    Apr 6 2026
    Kaze mu kiganiro " Wiriwe Maine" co kuri uyu wa Mungu igenekerezo rya 5 ukwezi kwa 4 umwaka wa 2026. Muri kino kiganiro, umutumire ni Enathe Muhawenimana. Ni umunyeshure wo muri kaminuza ya " Bates College" mu muji wa Lewiston wo muri Reta ya Maine, mu buraruko bwa Amerika. Uwo mwigeme n'abandi banyeshure uyu mwaka bateguye ibikorwa vyo kwibuka ku ncuro ya 32 jenoside yakorewe Abatutsi mu Rwanda. Aratwiganira icabateye gutunganya ico gikorwa, ubutumwa bagenera abanyamahanga eka n-abanyarwanda cane cane urwaruka ,hatibagiwe abagifise ingengabitekerezo ya jenoside.
    Bane natwe muri kino kiganiro mutegurirwa na Eloge Willy Kaneza.
    Afficher plus Afficher moins
    51 min