Résultats lu par "J.S.Arvind J.S.Arvind" dans Toutes les catégories

సదత్ హసన్ మాంటో రాసిన కొత్త నిబంధనలో మనకు సామ్రాజ్యవాదం, ఆశ, స్వేచ్ఛ, మార్పు, అహంకారం మరియు ఆశావాదం యొక్క నేపథ్యం ఉంది. పేరు తెలియని వ్యక్తి ద్వారా వివరించబడిన కథను చదివిన తర్వాత పాఠకుడు, మంటో సామ్రాజ్యవాద ఇతివృత్తాన్ని అన్వేషిస్తున్నాడని గ్రహించాడు.

మల్లాది వెంకట కృష్ణమూర్తి నవలలు అంటే కచ్చితగా ఎదో ఒక కొత్త ప్రయోగం తో కథలు ఉంటాయి అనే అభిప్రాయం పాఠకుల్లో ఉంది. ఎప్పటికప్పుడు మంచి ప్రయోగాలతో కథలని అల్లి చదువరులను అలరింపజేయడం లో మల్లాది వారు దిట్ట. ఈ పున్నమి అనే నవల లో కథ అంతా పున్నమి డిటెక్టివ్ ఏజెన్సీ చుట్టూ తిరుగుతుంది. అయితే ఈ డిటెక్టివ్ ఏజెన్సీ హత్యలు చేసేవారిని కనిపెట్టదు. దూరం అయిన ప్రేమికులని వెదికి కలిపే కేసులని మాత్రమే ఈ ఏజెన్సీ పరిష్కరిస్తుంది. సరికొత్త గా గమ్మత్తయిన కథ కథనం లో ఈ నవల అందరినీ తప్పక అలరిస్తుంది.

తల్లీ - పిల్లా: తల్లి ప్రేమని గొప్పగా ఆవిష్కరించే కథల్లో ఈ తల్లీ పిల్లా ఒకటి. మాతృత్వం లోని కమ్మదనం ఈ కథలో చక్కగా అందుతుంది. ఈ సృష్టిలో తల్లిని మించిన వారు, తల్లి ప్రేమని మించిన ప్రేమ ఎక్కడా దొరకదు అనేది సత్యం.

కొన్ని కొన్ని డర్టీ జోక్స్ ని స్నేహితుల మధ్య ఉన్నప్పుడు పంచుకుంటాం. ఆడవారైనా సరే, మగవారైనా సరే డర్టీ జోక్స్ ని చెప్పుకుని కాసేపు నవ్వుకోవడానికి ఏ మాత్రం వెనుకాడరు. అయితే అది అన్ని సార్లు, అన్ని చోట్ల జరిగే సందర్భం కాదు. మన మల్లాది గారు మాత్రం, 'కల్నల్ ఏకలింగం అడ్వెంచర్స్' పేరు మీద అటువంటి జోక్స్ అన్నిటినీ కలిపి ఒకే చోట పేర్చి పాఠకుల ముందుకు తీసుకొచ్చాడు. గమ్మత్తయిన అంశం ఏంటి అంటే ఇందులో మనం చదివే చాలా విషయాలు మన జీవితం లో కూడా ఎదురయ్యే ఉండొచ్చు, లేక మనం కూడా ఎవరితో అయినా చర్చించినవే అయి ఉండొచ్చు.

ఆధ్యాత్మిక నవలలు చాలా అరుదు గా వస్తుంటాయి. చాలా వరకు ఆధ్యాత్మిక నవలల్లో ఎక్కువగా బోధనలు ఉంటాయి కానీ ఆచరణకు సులువైన పలుకులు తక్కువ. కానీ మల్లాది రాసిన ఈ 'జయం' అనే ఆధ్యాత్మిక నవల అతి సులువుగా అందరికీ అర్ధం అయ్యే విషయాలని బోధించడం తో పాటు ఆచరణకు నోచుకొనేందుకు చాలా విషయాలని నేర్పిస్తుంది.

అసాధ్యాన్ని సుసాధ్యం చేయాలని ఎవరికీ ఉండదు? కానీ కొన్ని కొన్ని సార్లు ఆ ప్రయాణం లో ఎదురయ్యే ఒడిదుడుకులని ఎదుర్కోవాలంటే ఆత్మ విశ్వాసం కావలి. ఆత్మ విశ్వాసం కూడా మనం రోజు చేసే దైనందిన కార్యక్రమాల్లో భాగం అవ్వాలి. అప్పుడే ఎంతటి క్లిష్టతరమైన పని ఉన్నప్పటికీ మనం ఆత్మ విశ్వాసం తో దానిని ఎదుర్కోగలం. అందరికీ ఆత్మ విశ్వాసం కలిగి ఉండాలి అని ఉంటుంది కానీ నిజానికి దాన్ని అలవర్చుకోవడం కొద్దిగా కష్టమే. ఆత్మ విశ్వాసాన్ని సాధన చేయాలంటే ఎంతో పట్టుదల కావలి.

తల్లి తండ్రులు ఇద్దరూ బిడ్డల దృష్టి లో సమానమే.అయితే ఒక్కో సారి తల్లి ప్రేమ దక్కిన వాళ్ళకి తండ్రి ప్రేమ దొరకదు. తండ్రి ప్రేమ దక్కిన వాళ్లకి తల్లి ప్రేమ దొరకదు. ఎప్పుడూ కూడా తల్లిని గొప్పగా చూపినంత గా ఈ సృష్టి లో తండ్రి ని పొగిడిన దాఖలాలు లేవు. అటువంటి అంశం మీద తండ్రి గురించి, తండ్రి ప్రేమ గురించి గొప్పగా చూపెట్టిన కథ ఈ 'నాన్నంటే'. ఏ ఎస్ జగన్నాథ శర్మ రాసిన ఈ కథ కూడా వంశీ కి నచ్చిన కథలు సంకలనంలో ఒకటి.

ఎంతో కష్టపడి ప్రజలకి సేవ చేయాలనే ఉదేశంతో చాలా మంది రాజకీయాల్లోకి వస్తారు. వచ్చే అందరూ మంచి చేయాలనే ఉదేశంతోనే వస్తారేమో కానీ అన్ని సార్లు అది కుదిరే పని కాదు. ఎక్కడో ఒకళ్ళు ఇద్దరు తప్ప నిజాయితీగా ప్రజల కోసం సేవ చేసే వారి సంఖ్య చాలా తక్కువ. ఈ ప్రస్థానం అనే కథ వారి గురించే. వరలక్ష్మి రాసిన ఈ కథ కూడా వంశీకి నచ్చిన కథల్లో ఒకటి.

పాత్రల తో గారడీ చేస్తూ ఒక తత్వాన్ని బోధించే కథలు బయటకు రావడం అంత మామూలు విషయం కాదు. అటువంటి ఒక కథే ఈ 'ప్రాప్తం'. నిడదవోలు మాలతి రాసిన ఈ కథ లో జీవితం గురించి జీవిత పరమార్థం గురించి చక్కగా వర్ణించడం జరుగుతుంది. ఈ కథ హార్ట్ టచింగ్ గా ఉంది అంటారు వంశీ. ఇది కూడా వంశీ కి నచ్చిన కథలు సంకలనం లో ఒకటి.

వివాహం అనేది అందరి జీవితాల్లో గొప్పగా ఉంటుంది అనుకోవడంలో అర్ధం లేదు. చాలా మందికి అసలు వివాహం చేసుకోవడానికి మనసొప్పదు. ఎందుకు చేసుకోవాలి పెళ్లి అనే ధోరణిలో మాట్లాడుతూ ఉంటారు. కొన్ని కొన్ని సార్లు వారి ఆదర్శాలకు వాస్తవం అడ్డొస్తుంది. అటువంటి పరిస్థితిలో వారు ఎలా ఉంటారు అనేది చెప్తుంది, పూడూరి రాజిరెడ్డి రాసిన మరణ లేఖలు అనే ఈ కథ.

కాలంతో పాటుగా మనిషి మారాలి అనేది నిజం. అందులోని సత్యం గ్రహించినవారు ఆధునికతకి అలవాటు పడి అదృష్టవంతులవుతారు. అలా కాకుండా మార్పుకి సహకరించకుండా ఇంకా పాత కాలపు వ్యవహారాలతోనే గడిపేస్తే వారికే నష్టం. ఇంకా మూఢ నమ్మకాలని గుడ్డిగా పాటించే అనేక మందికి ఈ తాతయ్య వాచీ కథ ఒక చక్కని సందేశం ఇస్తుంది.

పెళ్ళటూర్లలోని కథలు ఎప్పటికప్పుడు అద్భుతంగా అందం గా ఉంటాయి. ఈ కథల్లో ని సారం అర్ధం చేసుకున్న వాళ్లకు ఎప్పుడూ సంతోషమే. అలాంటి కథే ఈ పగటి వేషం. వంశీ ప్రకారం ఈ కథ లో తెలుపు ఉంది, నలుపు ఉంది. తెలుపు నలుపుల సమ్మేళనమే ఈ పగటి వేషం. ఈ కథ రాసిన వారు ఉపాధ్యాయుల గౌరీ శంకరరావు. వంశీ కి నచ్చిన కథల్లో ఇదీ ఒకటి.

వైద్య వృత్తి అంటే నే గౌరవప్రదమైన వృత్తి అంటారు అందరూ. ఎందరో వైద్యులు రోగులకు సేవలు చేస్తూ చిరస్ధాయి గా నిలిచిపోయిన ఘటనలు చాలా నే ఉన్నాయి. డా. సుబ్రహ్మణ్యం గారి దవాఖానా అనే కథ కూడా ఒక గొప్ప వైద్యుని గూర్చి అతను చేసిన సేవలు గూర్చి చెప్తుంది. ఈ కథ స్వయంగా ఈ కథ రాసిన రాజేంద్రగారి తండ్రిగారిది. ఈ కథ కూడా వంశీ కి నచ్చిన కథల్లో ఒకటి.

మానవ సంబంధాలు అనేవి ఆర్ధికమైనవే తప్ప హార్ధికమైనవి కాదు అనే విషయాన్ని ఆవిష్కరించే కథ ఈ మ్యాచ్ ఫిక్సింగ్. మన సంబంధాల పై, ఒక చక్కని కోణం లో విశ్లేషించి మనోరంజకం గా మలచబడ్డ ఒక కుటుంబం కథ ఈ 'మ్యాచ్ ఫిక్సింగ్.' కె వీ నరేందర్ రాసిన ఈ కథ లో సహజత్వం ఉండటం వంశీ కి ఎంతగానో నచ్చిన అంశం. ఇది కూడా వంశీ కి నచ్చిన కథలు సంకలనం లో చోటు చేసుకుంది.

యదార్థ సంఘటనల ఆధారం గా రాసే చాలా కథల్లో ఎక్కువ శాతం సస్పెన్స్ భరితంగా సాగే వి ఉంటాయి కానీ మంచి సందేశాత్మక కథలు తక్కువ. అటువంటి కథల్లో ఒకటి ఈ నాగరిక చితి. ఎం ఎస్ సూర్యనారాయణ పులి ని చంపి దహనం చేసిన ఘటన ఆధారం గా రాసిన ఈ కథ పర్యావరణ కాలుష్యం పైన ఉంటుంది. మానవ పాత్రలు లేకుండా తయారు చేసిన ఈ కథ ఒక ప్రయోగం అని చెప్పుకోవచ్చు. ఇది కూడా వంశీ కి నచ్చిన కథల్లో ఒకటి.

ప్రకృతి ఎంతో సౌందర్యం గా ఉంటుంది. ఆ ప్రకృతి లో అన్నీ అందం గా ఉంటాయి కొందరికి. మరీ ముఖ్యం గా చంద్రుడు అంటే మక్కువ ఉన్నవారు చాలా మందే ఉంటారు. ఆకాశం లో చంద్రుణ్ణి చూస్తూ హాయిగా గడిపే క్షణం మధురం గా ఉంటాయంటారు ఆ అనుభూతి ని పొందిన వారు. అలంటి భావుకతను అడ్డం పట్టే కవిత గానం లాంటిది ఈ కథ 'చంద్రుడు గీసిన బొమ్మలు' అంటారు వంశీ. భాగవతం రాసిన ఈ కథ వంశీ కి నచ్చిన కథల్లో ఒకటి.

యదార్థ ఘటనల ఆధారం గా వచ్చిన కథలు ఎప్పటికప్పుడు మనల్ని అలరిస్తూ నే ఉంటాయి. అటువంటి కథల్లో ఒకటి ఈ తుఫాను. 1996 లో కోనసీమ లో సంభవించిన ఒక పెను తుఫాను చుట్టూ జరిగిన ఒక కథ ఆధారంగా ఈ కథ అల్లబడింది. ఆ తుఫాను తాలూకు కథలు, అప్పటి సంఘటనలు వాస్తవంగా మన కి కథ రూపం లో తీసుకొని వచ్చారు రచయిత్రి రావులపల్లి సునీత.

ఇంద్రగంటి హనుమచ్చాస్త్రి తన వెలుగు నీడలు కథ ద్వారా ఎంతో గొప్ప సందేశాన్ని తెలియజేసారు. ఈ కథ లో మంచి భావుకత, అదే విధంగా ఒక గొప్ప కథ దాగి ఉంది అని చెప్పడంలో ఎటువంటి అతిశయోక్తి లేదు. ఈ కథ లో ప్రధాన పాత్రల మధ్య అనుబంధం ఒక ప్రత్యేకత అని చెప్పుకోవచ్చు. ఈ కథ కూడా వంశీ కి నచ్చిన కథల్లో ఒకటి. వంశీ ప్రకారం ఈ కథ తన సంకలనం లో ఒక తరళ రత్నం.

బతుకంటే ఏంటి? సుఖం అంటే ఏంటి? ఈ అవగాహన అందరికీ ఉండదు. అందరి జీవితాల్లోనూ ఈ విషయం ఒకేలా ఉండదు. ఆ కథ నే సీతాలు పాత్ర ద్వారా ఈ కథలో చెప్పారు కె వీ ఎస్ శర్మ. సుఖం అనే టైటిల్ తో ఉన్న ఈ కథ ఒక సున్నితమైన అంశాన్ని చాలా చక్కగా పాఠకులకి అందజేస్తుంది. ఈ కథ ని వ్యక్తపరిచిన విధానం వంశీ ని ఎంతగానో ఆకట్టుకుంది,

కాలం మారుతుంది. సమాజం లో కొత్త పోకడలు వస్తున్నాయి కానీ పురుషాధిక్యం మాత్రం ఇంకా ఈ ప్రపంచాన్ని ఏలుతుంది. స్త్రీ తన శక్తీ ని ఆధిపత్యాన్ని చూపించుకొనేందుకు సన్నద్ధం అవుతున్నా అందుకు అడ్డు గోడలు కట్టే వాళ్ళు లేకపోలేదు. దీనంతటికి పరిష్కారం ఏంటి అనే కోణం లో ఉంటుంది ఈ కథ, ఒక విలన్ ఆత్మహత్య. వినోదిని రాసిన ఈ కథ వంశీ కి నచ్చిన కథల్లో ఒకటి.