Ko te pūkōrero o tēnei hōtaka ko Eru Kapa-Kingi | Te Aupōuri, Ngāpuhi.

Nau mai ki te whare kōrero o Pū Kōrero, ki konei whakarongo ai ki ngā kōrero a Eru Kapa-Kingi mō tōna ara whai i te mataora, mō te Tino Rangatiratanga me ngā mahi hei mahia e tātou hei takahi i te ara ki tō tātou Hawaiki Hou.

Ko te pūkōrero o tēnei hōtaka ko Ria Paki | Ngāti Tūwharetoa

Nau mai ki te whare kōrero o Pū Kōrero, ki konei whakarongo ai ki ngā kōrero a Ria Paki mō āna haerenga waekaikapua ki te ao ki te kawe i ngā kanikani a MAU Dance Company, ngā mahi whakaari me tana whakatupuranga i roto i te mātotorutanga o Te Ao Māori.

Ko te pūkōrero o tēnei hōtaka ko Ruakere Hond | Taranaki

Nau mai ki te whare kōrero o Pū Kōrero, ki konei whakarongo ai ki ngā kōrero a Ruakere Hond mō Te Ātaarangi, mō te whaikōrero, mō ngā whakatinanatanga o ngā tikanga Māori me tana ara whakawhanake i roto i ngā kaupapa maha o Te Ao Māori.

Ko te pūkōrero o tēnei hōtaka ko Jade Maipi | Te Rarawa, Ngāpuhi, Waikato

Nau mai ki te whare kōrero o Pū Kōrero, ki konei whakarongo ai ki ngā kōrero a Jade Maipi mō tā rāua ko Te Arahi pākihi: Mahitahi Productions me ngā mahi kawe i ngā kōrero, i ngā pūrākau, i ngā kaupapa mā roto i ngā mahi o te ao pāpāho. Ka rere hoki ngā kōrero mō te tupu i roto i te whānau o Hoani Waititi Marae me ngā tini whakatinanatanga o ngā mātāpono Māori i roto i tō tātou ao hurihuri nei.

Ko te pūkōrero o tēnei hōtaka ko Puke Timoti | Tūhoe

Nau mai ki te whare kōrero o Pū Kōrero, ki konei whakarongo ai ki ngā kōrero a Puke Timoti mō tēnei mea te "Mātauranga Māori" mō tō tātou tiaki i te mana o ngā mātauranga nei me te whakahāngai, te whakatinana hoki i ēnei mātauranga i a tātou e takahi nei i te mata o te whenua.

Ko te pūkōrero o tēnei hōtaka ko Te Wehi Wright | Ngā iwi o Te Arawa, Ngāruahinerangi, Ngāti Raukawa, Ngāti Whitikaupeka

Nau mai ki te whare kōrero o Pū Kōrero, ki konei whakarongo ai ki ngā kōrero a Te Wehi Wright mō āna mahi whakapūmau i te reo, i ngā tikanga, i ngā mātāpono Māori i roto i te ao whutupāoro mā roto i tana tūranga hei Pou Tikanga mō te tīma Ōpango Māori me ngā Hauāwhiowhio.

Ko te pūkōrero o tēnei hōtaka ko Kristin Ross | Ngāti Kahu, Ngāti Tara

Nau mai ki te whare kōrero o Pū Kōrero, ki konei whakarongo ai ki ngā kōrero a Kristin Ross mō te āhua o tā tātou kawe i ngā tini kaupapa o te wā me ngā taumahatanga o taua kawe, mō ngā ara manakaaki hoki i te mauri o te tangata, i te ngāo, i te oranga, me te manaaki i ngā whānau i a tātou e kawe nei i ēnei kaupapa, kia ora tonu tātou, ake, ake, ake!

Ko te pūkōrero o tēnei hōtaka ko Poia Rewi | Ngāti Manawa, Ngai Tūhoe, Te Arawa, Ngāti Tūwharetoa, Ngāti Whare

Nau mai ki te whare kōrero o Pū Kōrero, ki konei whakarongo ai ki ngā kōrero a Poia Rewi mō te reo Māori, mō te whaikōrero, mō ngā tikanga whakahaere i ngā marae me āna mahi whakahaere i Te Mātāwai me āna mātāpono manaaki i tana kāhui, otirā i te kaupapa e kawea nei e rātou.