Résultats de "Ataun Irratia" dans Toutes les catégories

Larunbat goizetan ere, zuk nahi duzun bezala esnatzen zara Ataun Irratia entzutean. Musika, entretenimendua, umorea eta askoz ere gehiago jorratuko dituzu Ioar Aizpuruaren konpainia ederrean, 11:00etatik 13:00etara. Asteburuetako goizak ezberdin hastea posible dela iruditzen ez bazaizu, eta ohetik jaikitzeko iratzargailurik onenaren bila bazabiltza, hau da zure irrati saioa.

Astearte eta ostiralero aktualitateko zenbait gai ekarriko dizkigu Jagoba Apalategik Ataun Irratiaren uhinetara. Euskal Herritik abiatu eta nazioarterako bidaia egingo dugu. Politika, ekonomia, gizartea, iritzia eta askoz ere gehiago iluntzeko zortzietatik aurrera.

Goierritik abiatu eta Euskal Herriko eguneroko zenbait informazio biltzen duen albistegia eskaintzen digu Ioar Aizpuruak astelehenetik-ostiralera bitarte. Gizartea, ekonomia, politika, kultura eta beste hamaika gai izaten ditu ardatz iluntzeko zortzietatik aurrera Ataun Irratiaren uhinetan.

Astelehen eta ostiraleko kirol informazio sakona jasotzen dugu Ataun Irratian Izar Sukiarekin. Futbola, saskibaloia, pilota eta askoz ere gehiagoren berri jaso nahi baldin baduzu, tokirik aproposenean zaude. Zatoz gurekin eta ez galdu markagailuko tanto bakar bat bera ere!

Euskal Herritarrok ere oso gogoko dugu kuxkuxean aritzea, baina baita Ataun Irratian ere. Ioar Aizpuruak, zure interesekoak diren zenbait kontu ekarriko dizkizu. Piztu irratia, jarri belarria ondoan eta presta zaitez zu zeu ere kuxkuxean aritzeko?

Asteburuan mundu osoko pop estiloko kantuak ezagutzeko aukera izango duzu gurean. Kantuan aritzeko, dantzatzeko eta ongi pasatzeko aitzakiak edonon topatuko dituzu 17:00etatik 19:00etara bitartean Julen Iraola eta Ioar Aizpuruarekin.

Egunean zehar entzuten ditugun abestiak alde batera utzi, eta beste batzuk entzun ahal izateko tartea hartzen dugu saio honetan. Ioar Aizpuruaren konpainian, edozein musika estilo entzuteko aukera izango duzu ordubetez. Irratia piztu, bolumena goraino igo eta beste galaxia batera bidaiatuko duzu.